MARKNAD & UNDERHALDNING // LAURDAG 7. JULI

KJÆRE GJEST

Velkomen til tradisjonsrik marknad på Vangen samt underhaldning deretter på Odden. Her er det mykje å sjå, gjere og smake for store og små.

Opningstider:

Tridjonsrik marknad mellom 10:00 og 16:00, og dagsunderhaldning mellom 16:00 og 18:00.

Pris:

Inngang til både den tradisjonsrike marknaden og dagsunderhaldning på Odden er gratis. Sjå eigne prisar for kveldsarrangement både fredag og laurdag. 

KJÆRE UTSTILLAR / SELJAR

Me ynskjer velkomen til deg som vil stille ut, syne fram eller selje dine produkt / tenester. Me ynskjer høg kvalitet på marknaden samt eit variert tilbod der kvar og ein kan finne noko av interesse. Marknaden er open mellom 10:00 og 16:00, men ein kan setje opp standen frå 08:00 på morgonen.

Prisar bodplass:

Kr. 500,- for bodplass utan straum

Kr. 750,- for bodplass med tilkopling til straum

For påmelding, kontakt: christoffer.elgaen@aurland.kommune.no

 


 

TRADISJONSRIK MARKNAD

Opplev lokale smakar og lokalt handverk samt ha det moro med hoppeslott, bilbane, ansiktsmåling, andeslepp eller sightseeing i bygda med anten Rallartog eller helikoptertur!

Marknad og ulike aktivitetar mellom kl. 10:00 og 16:00

Servering av mat og drikke (både alkoholfri og alkohol) på Odden frå kl. 13:00

DAGSUNDERHALDNING

Dagsunderhaldning laurdag mellom kl. 16:00 og 18:00. Alle folk i alle aldrar er hjarteleg velkomne, og dagsarrangementet er gratis!

Følg med for oppdatering vedrørande dagsunderhaldninga.


 

SKJERDALS

Skjerdals spelar minikonsert under dagsarrangementet, laurdag 7. Juli!
 
Seks sysken som hadde spela og sunge saman sidan barndomen, fann i 2011 ut at no var tida inne for å dokumentere musikken som hadde spreidd glede både for dei sjølve og andre. Resultatet vart CD’en «Skjerdals – så fint å sjå deg», som kom i 2013.
 
Seinare har dei seks syskena blitt fem – Svein døydde i 2016, men Skjerdals tel framleis seks musikarar, sidan Kjetil Helland (trekkspel) blei innlemma som medlem i 2017.
 
På Aurlandsmarknaden 2018 vil gruppa gje smakbitar frå eit rikt og variert repertoar, både frå CD’en og seinare låtar som har kome til – eit par på svensk, og resten på nynorsk. Mellom desse vil Skjerdals urframføre ein song der temaet er aktuelt og henta frå Nordfjella – me seier ikkje meir. 

 

SILJE SØGNESAND

Vårt lokale stjerneskot SILJE SØGNESAND gir oss ein smakebit av sitt musikalske univers når ho framfører nokre låtar under dagsunderhaldninga laurdag 7. Juli. 
 
Silje er vokalist og låtskrivar frå Gudvangen, no busett i Bergen. Ho har vore aktiv sidan 2006, og i 2014 kom debut-EPen «Stop, play, pause». Musikken består av alt frå rolige søkande ballader med snirklande melodiar, til meir rocka materiale. Musikken har også vorte beskrive som intelligent popmusikk med element frå jazz og soul.
 
01. juni 2018 kjem den nye låta «Wasted» som Silje gler seg til å framføre for publikum på Aurlandsmarknaden! 

Legg att eit svar

Epostadressa di blir ikkje synleg. Påkravde felt er merka *