Følg med for siste oppdatering for Aurlandsmarknaden 2018!


 

SKJERDALS

Skjerdals spelar minikonsert under dagsarrangementet, laurdag 7. Juli!
 
Seks sysken som hadde spela og sunge saman sidan barndomen, fann i 2011 ut at no var tida inne for å dokumentere musikken som hadde spreidd glede både for dei sjølve og andre. Resultatet vart CD’en «Skjerdals – så fint å sjå deg», som kom i 2013.
 
Seinare har dei seks syskena blitt fem – Svein døydde i 2016, men Skjerdals tel framleis seks musikarar, sidan Kjetil Helland (trekkspel) blei innlemma som medlem i 2017.
 
På Aurlandsmarknaden 2018 vil gruppa gje smakbitar frå eit rikt og variert repertoar, både frå CD’en og seinare låtar som har kome til – eit par på svensk, og resten på nynorsk. Mellom desse vil Skjerdals urframføre ein song der temaet er aktuelt og henta frå Nordfjella – me seier ikkje meir. 

 

SILJE SØGNESAND

Vårt lokale stjerneskot SILJE SØGNESAND gir oss ein smakebit av sitt musikalske univers når ho framfører nokre låtar under dagsunderhaldninga laurdag 7. Juli. 
 
Silje er vokalist og låtskrivar frå Gudvangen, no busett i Bergen. Ho har vore aktiv sidan 2006, og i 2014 kom debut-EPen «Stop, play, pause». Musikken består av alt frå rolige søkande ballader med snirklande melodiar, til meir rocka materiale. Musikken har også vorte beskrive som intelligent popmusikk med element frå jazz og soul.
 
01. juni 2018 kjem den nye låta «Wasted» som Silje gler seg til å framføre for publikum på Aurlandsmarknaden! 

 

FOLK FLEST

Kven kosa seg i fjor då Folk Flest spelte på Aurlandsmarknaden? Det gjorde me! Det er difor ei sann glede å annonsere at Lustrabandet FOLK FLEST kjem attende, og saman med Vestlandsfanden utgjer dei Marknadsdansen laurdag 7. Juli! HURRA! Med country og irsk-inspirert musikk byr dei til dans og lagar god stemning, og i «spissen» for det heile finn me Sogn si nye sangstjerne – Einar Bolstad! Dette vert litt av ein fest – bli med!


 

REVY MED «DEI KVINNFOLKA»

DEI KVINNFOLKA framfører ein splitter ny REVY på familiekvelden – fredag 6. Juli. Dei seier følgande; «Med skråblikk og humor tek me føre oss smått og stort i lokalmiljøet – det som irriterar, provoserar og det du ikkje trudde me ville seie!» Folkens, dette vil de ikkje gå glipp av – bli med på familiekveld på Odden!

 

VESTLANDSFANDEN

VESTLANDSFANDEN lovar ellevill stemning når dei spelar på marknadsfesten laurdag kveld, 7. Juli!💃
Det folkekjære bandet er på sitt 36. år med speling landet over, og med smittande humør og svingande folk-rock dreg dei publikum ut på dansegolvet samt opp på bordet frå første tone. Landeplagene ”Plukka plommer i Hardanger” og ”For livets glade gutter går solen aldri ned” er berre nokre av fleire kjende og kjære låtar me får høyre.

 

ODD NORDSTOGA

NYHEIT – Familiekveld på Odden fredag 6. Juli!
… Og sjølvaste ODD NORDSTOGA kjem! Han spelar frå sitt nye album «Kløyvd» samt kjende og kjære låtar, og me klarar knapt vente. Familiekvelden er for alle, meir detaljar kjem fortløpande. Me garanterer magisk stemning ved fjorden med god underhaldning frå scena.
Me takkar alle flotte samarbeidspartnarar og sponsorar, samt rettar ein spesiell takk til Aurland Sparebank og 10-års jubilanten Nærøyfjorden Verdsarvpark for si støtte øyremerka til familiekvelden.


 

Legg att eit svar

Epostadressa di blir ikkje synleg. Påkravde felt er merka *